رواية وله في ظلامها حياة بقلم دينا احمد (كاملة)

بخفة ثم وضعت قدمها فوق قدمه من اسفل الطاولة و سحبتها مرة ثانية ليبتسم لها بخبث ليضع قدمه على قدم مراد ظنا بأنها قدم نورا فنظر له مراد رافعا أحدي حاجباه فوجده ينظر إلى نورا و الابتسامة تعلو ثغره ففهم مراد ما يفعله ليضغط على قدمه بقوة و عڼف فصړخ حازم متأوها من الألم.
نظر له الجميع باستغراب و تسائل ليقول رأفت بصرامة
جرا ايه يا عيل بتصرخ كدا ليه!
ليزمجر حازم بضيق ثم قال وهو ينظر إلي مراد الذي ينظر له بتحدي
أبدا يا بابا بس حسيت بشد عضلي
ليقول مراد بنبرة ذات مغزى
اجمد يا عريس
صاح اسماعيل وهو يوجه حديثه إلي مراد
وانت يا مراد ناوي تستقر هنا ولا هتسافر تاني
ليجيبه مراد بجمود
ايوا هسافر في اقل من شهر هرجع تاني بس عايز اتابع صفقة مهمة هنا...
نظر له الجميع بأسي وقد اعتقدوا أنه سوف يقيم هنا مرة ثانية فتنهد والده بحزن ليقول
مراد عايزك في مكتبي بعد الأكل
قالها ليومأ له مراد فتركهم رأفت و غادر المكان وهو يفكر في طريقة كي يجعل مراد لا يسافر مرة ثانية.
هتفت نسرين بدلال قائلة
حازم لو هتمشي دلوقتي ممكن توصلني معك اصل لطفي السواق واخد اجازة انهارده.
أومأ لها حازم بالايجاب ثم صدح رنين هاتفه ليبتعد عن طاولة الطعام و ذهب بعيدا عنهم ليرد بتوجس قائلا
انا مش قولتلك متتصلش بيا وانا في البيت يا غبي.
الله ... انت اللي أتاخرت بس عايز اقولك اني مجهز سهرة إنما ايه بس متنساش الفلوس.
تمام مسافة السكة هكون عندك.
سلام يا زميل.
اغلق مصطفي الاتصال و على ثغره ابتسامة شيطانية.
وفي نفس الوقت ذهب حازم مع نسرين لتوصيلها و اتجه إلي الشركة حتي يجلب الأموال.
في مكان آخر يجلس رجل على أحدي الكراسي واضعا قدما فوق الاخري بغرور رن هاتفه ليبتسم بغرور ثم أجاب
اتصالك وراه معلومة جديدة.
ليجيب الطرف الآخر
بس كله بفلوسه يا باشا.
فلوسك هتوصل و زيادة كمان.
مراد وصل مصر النهارده والمفروض عشان فرح اخوه و هيعمل صفقة كبيرة و مهمة اوي كمان و مستنين أوامرك عشان انفذ
بص انت هتعمل كل اللي هقولك عليه بالحرف الواحد....
أخبره بما يجب أن يفعل و اغلق الخط ليبتسم بشړ خالص وهو يتحدث بفحيح الافعي
نهايتك على أيدي يا ابن رأفت
الفصل الثاني
زفاف اسطوري
جلس مراد على كرسي المكتب أمام والده لينظر له ثم تسائل عاقدا ما بين حاجباه باستغراب
حضرتك طلبت تكلمني ليه.
تنهد والده بعمق ليقول بصوته الرخيم
مراد يا ابني انا عايزك تسمع الكلام اللي هقوله و تطاوعني وبلاش عناد كتير ...
اكمل قائلا
انا مش هعيش قد اللي عشته يا مراد ... انا خلاص كبرت و عايز اطمن عليك انت و اخوك وانت بالأخص.. عايز تسيبني تاني يا مراد مش كفاية السنين اللي حرمتني اشوفك فيها ... عارف أنك مش قادر تنسي مۏت ميس بس دا حكم ربنا و المۏت علينا حق بس أنك تسيب البلد و تحرمني اطمن عليك تسميه ايه ده!.
اغمض مراد عيناه بقوة من نبرة والده المخټنقة
ليضيف رأفت قائلا
مراد يا ابني لو ليا خاطر عندك و عامل ليا حساب خليك هنا جنبي عايز اشوفك انت و اخواتك سعداء ... انت سندهم.. حازم اخوك مستهتر و تافهه و أسما شايفاك قدوتها في الحياة و طبعا مش هوصيك على نورا دي اللي ربتها على ايدك لو حازم اتعرض ليها انت اللي تقف في وشه ... عايزك تتجوز و تستقر في حياتك هنا معانا و..
ليقاطعه مراد بحدة خفيفة
جواز تاني يا بابا ... أنت ليه شايف أني هرتاح في الجواز ... انسي اني اتجوز تاني.
ليقول رأفت بغموض
انسي ايه يا مراد! انت هتتجوز مرة تانية وانا عارف هتتجوز مين كويس.
ليرفع مراد أحدي حاجباه وهو يقول
قصدك مين يا بابا.
ليهتف رأفت بهدوء
قصدي ديما اخت ميس ... اظن انت عارف انها مناسبة ليك قد ايه سيدة أعمال ناجحة و ذكية و بتحبك انت مش عارف كل اما تشوفني تسألني عليك
صاح مراد پغضب
ولا ديما ولا غيرها مش هتجوز يعني مش هتجوز .
ليضرب رأفت المكتب بيده بقوة وهو يقول بصوت جهوري
صوتك ميعلاش احسنلك ... اسمعني كويس أنا اتكلمت معاك بهدوء بس واضح انك هتعاند كتير.. خلاصة الكلام هتتجوز ديما و تفضل عايش هنا يا مراد.
ابتسم مراد بتهكم ليقول
على ايه يا حج اقولك انا همشي اسافر تاني.
تنهد والده بحزن و اعترت ملامح الحزن واليأس عليه ليهتف قائلا
اللي انت شايفه يا مراد بس صدقني لو سبتني مرة تانية يبقي تنسي أن ليك أب.
زفر مراد بحنق لينهض واقفا وهو يقول بهدوء لأبيه
اديني وقتي يا بابا و صدقني هفكر في الموضوع ده.
رأفت ببرود
هتتجوزها يا مراد و دا أمر و هيتنفذ.
خرج مراد المكتب