رواية خېانة من نوع اخر بقلم ريناد (كاملة) 3

انتا بتقول ايه انتا اكيد اټجننت 
محمود لا انا اتاكدت 
فصيلة دمك انتا والولد متطابقه 
إياد مش دليل 
محمود لا اكبر دليل الادله كلها بتقول انك انتا انتا ياإياد اللى هند خانتنى معاه انتا وانا لازم ادوقك من نفس الكاس اللى سقيتهونى ياإياد
إياد بص لساره اللى كانت واقفه مصدومه ومزهوله وحاسه انها فى كابوس رهيييب
إياد نفى بدماغه كل كلام محمود اياد قرب لساره ساره انتى بتثقى فيا ولا لا
ساره اكتر من نفسى 
اياد هنا حس بقوه رهييبه وراح على محمود وكأنه استمد القوه من ثقة ساره فيه فضل يضرب فى محمود لغاية ماأدمى وشه ووجهه بالضړبات لباب الشقه هو يضرب ومحمود يرجع لورا لغاية ماخرجه بره الشقه وقفل عليه الباب وهنا محمود وقع على الارض بعد شويه اياد فتح باب الشقه ورماله جاكيتته وتليفونه وبصله نظرة احتقار وسابه ودخل وقفل الباب
إياد قعد على الكنبه اللى كانت ساره قاعده عليها وحاطه دماغها وسط ايديها 
اياد آخر حاجه كنت اتوقعها من محمود صحيح هو فى الفتره الاخيره عمل حجات كتير مكنتش اتوقعها منه لكن ده بالزات مكنتش اتوقع ان محمود يعمله
ساره انا اللى غلطانه يااياد انا اللى مكنش المفروض ادخله البيت وانتا مش موجود
اياد انتى بتقولى ايه ياساره واحنا من امته بنقفل بابنا فأى وقت فى وش محمود انا ولا انتى انتى مش غلطانه انتى لما فتحتى الباب فتحتيه لمحمود اخويا وعشرة عمرى اللى لا يمكن كان هيفكر انه يأذينى لكن اللى دخل كان واحد تانى كان وحش طغى عليه الكره والرغبه فى الاڼتقام من اى حد ومن كل الناس
ساره اتنهدت بحزن وقامت دخلت الحمام واخدت حمام دافى كان كفيل بأنه يخليها تهدى شويه وتفكر فى كل اللى حصل معاهم
ولان النفس البشريه اماره للسوء ولان الشيطان بيعرف يدخل للانسان منين وازاى ساره شكت للحظات فى أن كلام محمود ممكن يكون صح وكلمة محمود ان الناس بقت تعمل حجات فوق الخيال فضلت ترن فى دماغها لكنها استعاذت بالله من الشيطان وحاولت تنفض الافكار دى من دماغها وعشان تقطع الشك باليقين اهتدت لفكره تقدر تتأكد بيها من صحة كلام محمود من عدمه
بااااك 
اياد فاق على صوت ساره ينفع كده ياأياد تفضل صاحى للصبح انا كل شويه كنت ببص عليك والقاك برضو لسه صاحى بس انا محبتش اتطفل عليك وسيبتك براحتك هاه مش هتقولى بقه مالك
إياد مفيش ياساره حاسس انى مرهق شويه هطلع ارتاح وهبقى تمام 
ساره طيب والشغل 
إياد مش هروح النهارده هبقى اتصل بياسر بيه اعتزر منه 
ساره طيب افطر الاول 
إياد مليش نفس 
ساره مع نفسها ياترى ايه ياإياد اللى وصلك للحاله دى تانى انا مصدقت اننا نتخطى اللى حصل ونبدأ حياتنا من جديد ونبعد عن الماضى بكل مافيه
إياد فضل نايم طول النهار وكأنه بيهرب من الدنيا كلها ومن زكرياته بالنوم وصحى آخر النهار ونزل
ساره يااااه كل ده نوم ياإياد 
إياد معلش كنت محتاج جدا انى انام 
ساره وايه بقيت احسن دلوقت 
إياد ابتسملها احسن كتير الحمد لله 
ساره مستر ياسر اتصل عليك الصبح وطلب انك تروحله ضرورى فى الفيلا
إياد هز دماغه وقعد على السفره وساره دخلت تجيبله اكل 
اياد اكل وطلع لبس واتوجه لفيلا ياسر 
و كان ياسر وصفاء قاعدين مع بعض على السفره وبيخلصو شغل
إياد السلام عليكم 
ياسر بأبتسامه هو وصفاء وعليكم السلام ورحمة الله وبركاته 
ياسر اتفضل يا اياد وشاورله على الكرسى اياد قعد على الكرسى 
ياسر ايه سلامتك تعبان من ايه 
إياد لا ابدا مجرد ارهاق وخلاص راح الحمد لله
ياسر طيب الحمد لله احم إياد كنت عاوزك فى حاجه بعيد عن الشغل شويه 
إياد تحت امرك ياباشا
ياسر كنت عاوز اعرف انتا تعرف محمود الزيات منين وايه اللى خلاكم انتو الاتنين اتوترتو جدا لما قابلتو بعض وليه انتا كنت دايما مهتم انك تتابع كل اخباره اول بأول
إياد اتوتر لا ابدا انا معرفهوش 
ياسر ارجوك ياإياد انا محتاج اعرف كل حاجه عن البنى آدم ده
إياد بتوتر انا معرفش حاجه عنه اكتر من اللى بسمعه عنه فى السوق ومن الاخبار لكن حضرتك مهتم ليه انك تعرف كل حاجه عنه 
ياسر عاوز اشاركه 
إياد بزعر لا طبعا انصحك بلاش 
ياسر رفع حاجبه طيب يعنى على الاقل فهمنى ليه بلاش 
إياد انا قلت كل اللى اعرفه وعن اذنك ياياسر باشا وقام عشان يمشى
صفاء إياد لو سمحت استنى لحظه وقامت صفاء تعالا معايا لو سمحت حابه اوريك حاجه
صفاء اخدت اياد وطلعت بيه فوق على اوضة حنين خبطت وفتحت الباب بعد ماحنين اذنت لها وشاورت لإياد عشان يدخل
إياد دخل واتفاجأ بوحده متربطه كلها ومعالمها مش واضحه وباين عليها انها متعرضه لحاډث مؤلم
صفاء إياد جاى يقولك سلامتك ياحنين 
حنين بضعف الله يسلمك متشكره جدا
صفاء احب اعرفك دى حنين مرات محمود الزيات اللى انقذناها فى اخر لحظه من ايدين محمود وخرجناها بالشكل ده انا وياسر من بدروم فيلته اللى حابسها فيه
إياد اټصدم جدا وفتح عنيه على وسعهم لكن منطقش بكلمه وحده صفاء شاورتله عشان يخرجو وخرج من الاوضه وهو مزهول من اللى شافه وزاد احتقاره لمحمود اضعاف
إياد رجع وقعد جمب ياسر 
ياسر عرفت بقه انا عاوز اعرف كل حاجه عنه ليه تصدق المسكينه اللى جوا دى متعرفش عنه اى حاجه تصور حابسها لوحدها فى الفيلا سنين مش بيخليها تخرج ولا بيخلى حد يشوفها او يكلمها او تكلم حد قاطع عنها اى وسيلة اتصال على العالم الخارجى
إياد فك الكارافات بتاعته واتنهد انا مكدبتش عليك لما قلتلك انى معرفش اى حاجه عنه انا فعلا محمود الزيات بتاع النهارده معرفهوش ولا اعرف عنه حاجه انا كنت اعرف محمود تانى محمود صاحب عمرى وطفولتى وشبابى كنت اعرف محمود الزيات الانسان وهحكيلك حكايته وحكايتى معاه وابتدا إياد يحكى كل حاجه عنه وعن محمود وعن كل اللى حصل معاهم لاآسر وياسر وصفاء بيستمعو بأهتمام 
ياسر يااااه كل ده حصل مابينكم 
إياد لا ومش بس كده دا كمان حاول انه يلبسنى تهمة سرقه من شركته لكن الحمد لله خرجت منها ومن ساعتها وانا بعدت عنه انا ومراتى وكرهته وکرهت اليوم اللى شفته فيه
صفاء معلش اعذر فضولى بس انتا كنت قلت ان مراتك عملت حاجه تتأكد بيها من كلام محمود اذا كان صح ولا لا عملت ايه بالظبط
إياد اتنهد وهز دماغه بأسى لمجرد انه افتكر الزكرى دى 
فلااااااش بااااااك
ساره جريت على شنطه تحت السرير فتحتهاوطلعت كل حاجه فيها كانت فيها حاجة اسامه احتفظت بكل حاجته بعد ماتوفى فضلت تدور لغاية مالقت مشط مسكته بحذر شديد واخدت منه كام شعره وحطتهم فى كيس وقربت منى واخدت كام شعره من شعرى وحطتهم فى كيس تانى وخرجت ورفضت انى اخرج معاها راحت معمل تحاليل وطلبت تعمل تحليل ال DNA
ورجعت البيت طبعا نتيجة التحاليل دى مش بتظهر بسرعه