اسكريبت كامل بقلم ايمان شلبي

اخويا 
طبعا ياعمي
قالها قاسم وهو بيضحك ضحكته المريبه اللي خلت الخۏف ينهش قلبي ويحذره أن اللي جاي مش احسن من اللي فات بل بالعكس في صدمات وۏجع قلب لسه مستنيكي يارغده في آذيه مستنياكي مع قاسم اللي معرفش ليه كميه الكره اللي بشوفها في عينيه ليا ولاهلي!
تمام مفيش اي حد يعرف باللي حصل كده كده محدش يعرف سامر ولا شافه لأننا عملنا قرايه فاتحه علي الضيق
ماما وهي بتتنفض وبتبص لبابا پخوف 
يعني ايه يعني هتجوز بنتك لمدمن !
قاسم بحزن مصطنع 
ربنا يسامحك يامرات عمي
بابا وهو بيتنهد بحزن 
مش احسن ما نتفضح !
وبعدين قاسم ابن عمها ومستحيل يأذيها مش كده يابني
قاسم وهو بيهز رأسه ببراءه 
طبعا ديه هتكون في عيني وفي قلبي ياعمي متنساش انها بنتك
ابتسامه كره ممزوج بشماته بفرحه وكأنه حقق انتصار
تمام يبقي علي بركه الله بعد بكره باذن الله الفرح هيتعمل في معاده بس بشرط
اتفضل ياعمي
قرب منه بابا وهو بيرفع صوابعه بتحذير 
شهر واحد ياقاسم شهر واحد وتطلق بنتي ومتلمسش شعره منها عايز بنتي زي ما هتخرج من هنا ترجع واظن فاهم قصدي
قاسم وهو بيتنهد وبيحط أيده في جيبه بجديه 
ده ازاي يعني !
بابا بغيظ
زي الناس انت قدمت مساعده وانا وافقت بس مش عايز المساعده ټأذي بنتي
قاسم وهو بيبصلي بنظرات حقيره
اكيد طبعا مش هأذيها ديه بنت عمي قبل ما تكون مراتي متقلقش ياعمي وبعدين ياعالم مش يمكن الشهر يبقي اتنين وتلاته يمكن يبقي سنه
بابا وهو بيجز علي أسنانه 
انسي ياقاسم انسي اني اسيب بنتي تكمل معاك روح نضف نفسك وابقي انسان مسوؤل الاول وابقي اتكلم
قاسم بسخريه
انا كده وهفضل كده عن اذنك يا ياعمي سلام يا ياحرمي المصون
فات يومين والنهارده فرحي هه ضحكت بسخرية علي كلمه فرحي اللي لو ينفع تتبدل بحزني بعزايا بمۏتي بأي كلمه من دول كنت بدلتها
كنت بلبس فستاني بعد ما حطيت الميك اب اللي أصريت يكون خفيف مش مبهرج كنت حاسه اني جسد من غير روح حوليا اكتر من شخص صحابي وماما وخالتو وكل الناس اللي اعرفهم بس مكنتش معاهم نهائيا
كنت في دنيا تانيه دنيا بفكر فيها في مستقبلي مع شخص معرفش حاجه عنه حرفيا كل اللي اعرفه انه ابن عمي الشخص المنطوي اللي مش بيظهر في أي تجمع عائلي أو افراح او حتي احزان كان اول ظهور ليه في حياتنا لما كنت في تانيه كليه كان وقتها لازم يظهر عشان ياخد عزاء باباه الله يرحمه وقتها شوفته منكرش ابدا ان قلبي دق بشكل غريب بالرغم اني كنت يشوفه وانا صغيره وافتكر أنه كان بيلعب معايا وكل ما يشوفني يروح يجيبلي حاجه حلوه من مصروفه كنت ببقي مبسوطه اوي كنت طفله بريئه ورقيقه وهو كمان كان طفل اكبر مني بتلت سنين بس كنت بحس اني مسؤوله منه كنت متعوده كل يوم اشوفه قبل ما اروح مدرستي وأسلم عليه وهو كذلك علاقه بابا وعمي كانت تكاد تكون معدومه عشان كده مكنتش بشوفه كتير لحد ما في يوم عمي قرر يعزل وقتها زعلت لاني مش هقدر اشوفه تاني بس قدرت اتخطي الفتره دي بشويه لعب وحلويات كان بابا بيجبهالي كل يوم لاني وقتها كنت مازلت طفله لحد ما نسيته حتي علاقه بابا وعمي اتقطعت نهائيا واول مره اشوفه وقت عزاء باباه كنت كبرت وهو كبر وقتها
مر عليا شريط ذكرياتنا الطفولي وابتسمت لكن ابتسامتي اتلاشت لما شوفت شخص تاني شخص نظراته بارده قرفان من كل الناس وخاصه بابا شخص غير الطفل البرئ اللي كنت بلعب معاه زمان عرفت من نديم اخوه واللي اتقرب مننا ومن كل العيله من بعد ما ساب مامته اللي عايشه في امريكا مع جوزها اللي اتجوزته من بعد مۏت عمي بشهرين عرفت أنه شخص مستهتر
يالا ياعروسه عريسك علي الباب ادخله
فوقت من شرودي علي صوت زينب بنت خالتي وهي بتقولي أن قاسم علي الباب
رسمت ابتسامه مزيفه علي وشي واخدت نفس طويل وانا بهز راسي بالرغم من الړعب اللي جوايا
اتفتح الباب وثواني ودخل قاسم اللي ريحه برفانه سبقته
مبروك
رديت بتوتر 
ا الله يبارك فيك
بارك الله لكما وبارك عليكما وجمع بينكما في خير
مبروك
بلعت ريقي وقلبي بيدق بسرعه 
ا الله يبارك فيك
اتنهد وهو بيقولي بشماته
بس برافو عليا والله طلعت ممثل هايل
بصيتله باستغراب 
يعني ايه مش فاهمه!
بصلي پصدمه مصطنعه
هو انا مقولتلكيش
مقولتليش ايه !
سامر بفرحه وضحكه شيطانيه 
أن انا اللي خليت سامر يسيبك بالاجبار عشان اتجوزك
يتبع
الفصل الثالث 
انت بتقول ايه ا انت .....
اقسم بالله العظيم لو نطقتي بحرف واحد ما هيكفيني عمرك عدي ليلتك
علي خير يارغده وبلاش تفضحي نفسك وتفضحي اهلك لانك لو اتكلمتي كل حاجه هتتكشف والناس هتعرف ان عريسك سابك و وقتها انتي عارفه السيناريو اللي هيحصل وانتي واهلك في غني عن الكلام اللي هيتقال التزمي الصمت احسنلك
عيوني اتملت بالدموع وانا ببصله وبسأله بهمس ونبره صوت كلها ۏجع 
ليه عملت كده انا عملت فيك ايه او آذيتك في ايه 
ممكن متعيطيش
زقيت ايده وانا بقول بعصبيه
ابعد ايدك عني انت فاكر اني هخاف منك !
هه تبقي عبيط ولا انت ولا عشره زيك يخوفوني الفرح يخلص من هنا ولينا كلام تاني اوعي تفتكر اني بعد اللي عرفته اكمل مع واحد زيك الناس بس تمشي وتطلقني
بصلي بابتسامه غامضه وهو بيقول بتحدي 
ده في أحلامك ياقمري
ربعت ايدي وانا ببصله بتحدي أكبر
ده في أحلامك انت ياحبيبي
قولتها بتلقائية وانا ببص قدامي وثواني واستوعبت الكلمه !
غمضت عيني وانا بتمني لو الارض تنشق وتبلعني وتخلصني من العڈاب اللي انا فيه ده
ضربات قلبي كانت سريعه لاول مره اقول لحد ياحبيبي بالرغم من نفوري من قاسم وخۏفي من اللي ممكن يحصل إلا أن الكلمه ديه زلزلت كياني معرفش ليه في الوقت ده اتمنيت لو كان بالفعل حبيبي اتمنيت لو كنا بنحب بعض ومختارين بعض عن حب بكامل ارادتنا اتمنيت لو اقول للعالم كله أنه حبيبي لكن مش كل اللي بنتمناه بنطوله في الحقيقه
جسمي كله اترعش لما قرب مني وقال بهمس 
كلمه حبيبي طالعه منك زي السكر والله
رمشت عيني اكتر من مره وحسيت أن جسمي اتجمد من همسه اللي كان ليه تأثير قوي
بلعت ريقي وانا بنادي بصوت يكاد يكون مسموع علي ماما اللي لولا أنها كانت واقفه علي قرب مني بتتكلم مع واحده جارتنا مكانتش سمعتني 
نعم ياحبيبتي عايزه حاجه
كنت لسه هتكلم بس سبقني وهو بيضغط علي ايدي بقوه 
اه ياريت كوبايه مايه يامرات عمي عشان انا عطشان جدا
بصيتله ماما وهزت رأسها بضيق 
حاضر
اول ما بعدت قرب مني تاني وهمس لكن المره ديه بنبره كلها تحذير و وعيد 
عدي ليلتك يارغده احسنلك ومتنطقيش بحرف لأن نطقتي أو منطقتيش انا كده كده اتجوزتك خلاص بلاش تفضحي نفسك الفضائح مش لمصلحتك ولا مصلحه اهلك
تستمر القصة أدناه
بصيتله بكره وانا بقول بدموع 
مطلبتش منك تحبيني كده كده الكره مشترك بينا
بصيتله بكره وانا مش قادره
افهم معني جملته يعني ايه الكره مشترك 
طب انا بكرهه لأنه خدعني لانه كان السبب في تعاستي واجبر سامر يسيبني معرفش ازاي