روايه المره الثلاثين بقلم ايمان شلبى (كاملة)
وهو بيتكسر لكن محبتش أبين ده قدامه
اخدت نفس عميق وانا برد بجراءه وقوه
اولا انا مش عفريت عشان وجودي يثير ړعب في المكان
ثانيا اي حد من اللي قاعدين جوا كان ممكن يتعرض لنفس اللي اتعرضتله
ثالثا ملكش اي حق انك تمنعني ادخل مكان عام كل الناس ممكن تدخله
يافندم انا مش بأيدي والله مدير الكافيه هو اللي حاطط قواعد لدخول الأفراد صدقيني انا لو بأيدي مش همنعك من الدخول
مدير الكافيه شخص متخلف عشان بيفكر بالشكل ده
لفيت عشان اهرب من المكان قبل ما اڼفجر في العياط وتتبخر قوتي كالعاده لما بتحرج
فجأه خبطت في شخص
قولت بصوت مبحوح من غير ما ارفع عيوني
اسفه
انتي !
رفعت راسي وانا ببصله بعيوني اللي كانت بتلمع بالدموع
اوس!
رجع خطوه لورا وهو بيبصلي باستغراب
بلعت ريقي وانا بحط وشي في الأرض
الحمد لله
انتي كويسه
ا الحمد لله عن اذنك
جريت من قدامه من غير ما انطق حرف وانا حاطه ايدي علي بوقي وبشهق پعنف
وأخيرا بعدت عن المكان
وقفت في ركن بعيد عن الأنظار وسمحت لدموعي تنزل
فات حوالي ربع ساعه
كنت واقفه سانده ظهري علي الحيطه ومغمضه عيوني وبعيط
فتحت عيوني ببطئ اول ما سمعت صوته
لوهله افتكرت اني بتخيل لكن لما شوفته واقف قدامي اتأكدت أني مش بتخيل وأنه واقف فعلا!
مسحت دموعي وانا بتنفس بسرعه رهيبه ووشي محمر من كتر العياط
عن اذنك
كنت همشي بس هو وقف قدامي ومنعني وهو بيقولي برجاء
لو سمحتي اسمعيني
ا اتفضل
انا بعتذرلك عن اللي حصل في الكافيه بتاعي
مسحت دموعي وانا ببصله بذهول
ا انت المدير!!
ايوه بس...
مسمحتلهوش يكمل كلامه واڼفجرت فيه پغضب
وحضرتك بقي مانع دخول الاشخاص اللي زي ليه
مانت منهم !
انت مش شايف نفسك ولا ايه
انت فيييك شكلك ده كله فيييك
ازاي ممكن بني آدم بيتعرض للأذي يعرض الناس كلها للأذي بالشكل ده!
المفروض تبقي انت الشخص الوحيد اللي متفهم أن الإنسان مش بشكله
هو مش انت قولتلي كده ولا انا غلطانه
اخد نفس عميق وهو بيبتسم ابتسامه حزينه
رديت بأنفعال وتلقائيه
اومال مين امي هي اللي حطتها!
هز رأسه بنفي
شريكي في الكافيه
حطها بسببي انا
رديت باستغراب
بسببك!
مره دخلت الكافيه بهيئتي الحقيقيه الناس خاڤت ومعظمهم مشوا من المكان
قامت خناقة بيني وبين شريكي واجبرني قبل ما ادخل المكان اداري وشي عشان مثيرش الړعب في قلوب الناس
وحط قواعد عدم دخول أي شخص هيئته مش مناسبه المكان وانا للاسف مقدرتش اتكلم لانه داخل براس مال اكتر مني بكتير ولو كنت اعترضت كان زماني بشحت في الشارع!
بصيتله پصدمه وانا بحط ايدي علي بوقي وبلوم نفسي من جوايا علي اندفاعي
اخد نفس عميق وهو بيقولي بجديه ممزوجه بعتاب
عن اذنك وشكرا علي كلامك اللطيف
يابنتي انتي بتعملي ايه فهميني
سألتني مي صاحبتي بملل وهي قاعده قدامي علي السرير ومربعه
اما عني كنت قاعده علي الفيس بعمل سيرش علي اسم حد معين وبتمني لو اقدر الاقيه
ظهرلي حوالي ألف شخص بنفس الاسم
في اللي حاطط صورته وفي اللي حاطط صوره عاديه وفي اللي مش حاطط
فضلت حوالي ربع ساعه وانا علي الحال ده
بدعي ربنا من جوايا لو اقدر اوصل للاكونت بتاعه عشان اعتذرله لكن للاسف مقدرتش
اتنهدت وانا برمي الفون علي السرير و علي تكه واعيط
مش قادره اسامح نفسي يا مي علي الكلام اللي قولته ل اوس
مي وهي بتحط ايديها علي ايدي وبتبتسم بهدوء
حبيبتي انتي مكنتيش تقصدي خلاص متشيليش ذنب محصلش حاجه لكل ده!
رديت وانا عيوني بتلمع بالدموع
لا يامي حصل
انا قولتله كلام بشع مفيش حد ممكن يستحمله
انا اكتر واحده حاسه دلوقتي هو حاسس بأيه
مكانش لازم اندفع بالشكل ده قبل ما اسمع منه
اخدتني في حضنها وهي بتحاول تهديني بس للاسف اڼفجرت اكتر
