رواية بريئة احييت لي قلبي بقلم ريحانة الجنة (كاملة) 2

 

سجي اخدتها في حضنها وطبطبت عليه . بس يا مراد متعملش في نفسك كدة . ده قضاء ربنا 
مراد تعرفي هو كان عايز يشوفني وانا اللي ماسفرتش علشان اشوفه عارفة ليه 
سجي ليه 
مراد علشانك . كنت خاېف ابعد واسيبك . انا محتاجك جنبي يا سجي اوعي تسبيني علشان خاطري . انا مقدرش استغني عنك . 
سجي متتخفش انا جنيك ومش حسيبك . بس انت اهدي وقوم اتوضي وصلي وادعيلوا ان ربنا يرحموا . واقرأله قرأن

مراد بص لسجي بخجل . بس اناعمري ماصليت ولا حتي بعرف اتوضي . 
سجي اټصدمت . معقول يا مراد واحد في سنك عمره ماصلي ولا مرة 
مراد انا عمر ماحد علمني ولا قالي صلي . ولا حتي عمري فتحت مصحف 
سجي متفاجأة .علشان كدة كان قلبك قاسې و ضلمة . الانسان طول ماهو بعيد عن ربنا عمره مايكون مرتاح . عموما انا ممكن اعلمك واقولك ازاي تتوضي وتصلي . 
مراد بجد يا سجي حتعلميني . 
سجي ايوة تعالي معايا علي الحمام . بس استني . انت قبل ما تتوضي انت لازم تكون ... تكون . مش ااه..... 
مراد في ايه سجي ماتكلمي علي طول 
سجي يعني اقصد . انت يعني كنت مع ستات اوحاجة . 
مراد اقصدك يعني نمت مع حد . 
سجي ايوة هو انت يعني لازم تقولهالي في وشي كدة . انت مابتتكسفش . 
مراد كسوف ايه بس دلوقتي يا سجي .وعموما لا انا من يوم ما اتجوزنا وانا معملتش كدة . 
سجي فرحت من جواها . طيب تعالي معايا . 
واخدت سجي مراد وعلمته ازاي يتوضي وازاي يصلي وحفظته كمان الفاتحة والاخلاص علشان يصلي بيهم لحد ما تحفظه غيرهم . مراد اول ماصلي وهو ساجد لقي نفسه بيبكي بحړقة مبقاش عارف هو بيبكي علي ابوه ولا علي نفسه وتقصيره في حقها انه حرم نفسه كل السنين ده من متعة الصلاة ومكنش متخيل انه حيرتاح كدة وبعد ماصلي 
سجيمراد انت لازم تنام وترتاح انت حتصحي بدري علشان تروح المطار وكمان لسة قدامك بكرة يوم طويل . دفنه وعزا .
مراد سجي انا عايزك معايا بكرة انا اول مرة اتحط في الموقف ده ومش عارف حتصرف ازاي انا حتي لما ماما ماټت كنت صغير . معرفش حاجة . ممكن . 
سجي حاضر حاجي معاك . متقلقش 
مراد طيب ممكن تخليكي جنبي لحد ما انام . انا مش عايز اقعد لوحدي . 
سجي ابتسمت . حاضر حقعد جنبك لحد ماتنام . تعالي . 
مراد نام في سريره وفضل ماسك ايد سجي . وسجي فضلت قاعدة جنبه لحد ما نام . سجي حاست ان مراد صعبان عليها وان التربية اللي اترباها هي السبب في اللي وصله . وقبل ما تقوم باسته من راسه وراحت أوضتها.
في الصباح 
مراد صحي علي صوت خبط الباب . قام فتح لقي سجي لابسة وبتبتسم . 
سجي صباح الخير 
مراد بإبتسامة . صباح النور . انتي ايه اللي صحاكي بدري وليه مدخلتيش علي طول من غير ماتخبطي 
سجي اولا احنا مش بدري الساعة 6 يعني يادوب تاخد حمام وتلبس ونروح المطار . ثانيا . انا ماينفعش ادخل من غير ما خبط . في حاجة اسمها آداب الاستأذان . 
مراد الكلام ده حاسس اني انا المقصود بيه . صح 
سجي امممم يعني حاجة زي كدة . المهم اتفضل ادخل خد حمامك والبس بسرعة . 
مراد حاضر . طيب ادخلي اقعدي لحد ما اخلص. 
سجي لا معلش مش حينفع انا حستناك في أوضتي . 
مراد سجي انتي لسة پتخافي مني . 
سجياااااممم . لا بص انا حستنك متتاخرش . 
ومشيت سجي ومراد ابتسم واتنهد . وقفل الباب ودخل علشان يجهز نفسه .. وشوية وهو بيلبس . الباب خبط . 
مراد ادخل . سجي ايه اده انتي اللي عملتي كل ده 
سجي دخلت ومعاها صنية فيها فطار وقهوه لمراد .. ايوة انت امبارح ماتعشتش وكمان ماينفعش تنزل من غير ماتفطر . والشاغلين لسة نايمين . فاانا روحت حضرتلك الفطار . 
مراد قرب منها ومسك ايديها وباسها بكل حنية . انتي كنتي فين من زمان . 
سجي اتكسفت . احمممم ممكن بقي تفطر علشان منتأخرش . 
مرادحاضر علشان خاطر عيونك
وفطر مراد وسجي مع بعض واخدها في عربيته وراحوا المطار . 
في المطار 
سجي اهدي يا مراد انت لازم تبقي متماسك اكتر من كدة . 
مراد مش قادر يا سجي انا عمري ماكنت اتخيل انا اقف استني استقبل ابويا في صندوق . مش قادر مش قادر . 
سجي علشان خاطري . اهدي . بص في واحد جاي علينا وفي شبه كبير منك . تعرفوا . 
مراد مازن . 
مازن حضن مراد وهو بيبكي . بابا ماټ وسابني لوحدي يا مراد . 
مراد اوعي تقول كدة انا معاك . انت نسيت اني اخوك الكبير . 
مازن مين دي 
مراد بص لسجي . دي سجي مراتي 
مازن انت اتجزت يا مراد 
من غير ماتقولنا . ده بابا كان نفسه اوي يشوفك بتتجوز . ليه يا مراد حرمته من اليوم ده 
مراد معلش يا مازن . حبقي احكياك بعدين . المهم خليك هنا مع سجي وانا حروح اخلص كل حاجة علشان نلحق نصلي عليه . وڼدفنه . 
مازن قعد جنب سجي . انا أسف مقولتلكيش مبروك . 
سجي لا علي ايه اصلا مش وقته . البقاء لله . 
مازن كان زي مراد ويمكن اكتر و معرفش يرد . وهزلها راسه . 
وخلصوا كل حاجة وسجي كلمت باباها وخالتها صفيه وجوزها ونهي علشان يجوا يعزو مراد . واليوم خلص وكان طويل وباليل بعد العزا . 
سجي مراد . ممكن نهي تقعد معايا يومين لحد ما العزا يخلص . اصل انا لوحدي وفي ناس كتير بتيجي . 
مراد طبعا يا سجي . انتي بتستاذني . ده بيتك . ونهي اختك . نهي انا أسف علي اي حاجة حصلت قبل كدة مش عايزك تكوني زعلانة . 
نهي كانت عارفة من سجي كل حاجة وان مراد اتغير . لا مفيش حاجة انا مش زعلانة ابدا اللي فات ماټ. 
مراد متشكر . واضح انك ملاك زي اختك . عن ازنكم اروح اشوف مازن 
نهي تصدقي كان عندك حق انا مش مصدقة بجد ان ده مراد . معقول 
سجي وهي بصة عليه لحد مامشي ومبتسمه . اه معقول مراد اتغير وبقي انسان جديد . طيب وحنين . ورقيق 
نهي امممم واضح انك حبتيه اوي . 
سجي حبيته بس ده انا بمۏت فيه ونفسه افضل معاه علي طول ومسبوش ابدا . مراد ده بقي روحي يا نهي . 
نهي وليه مش بتقوليله وتصارحيه . 
سجيخاېفة يكون . قربه مني ده علشان حاسس بتغير معايا وبس وميكنش بيحبني . تعرفي انا نفسي اوي اكون معاه واكون مراته بجد . بس خاېفة انه بعد ده مايحصل يزهق مني ويسبني . علشان كدة ببقي بعيدة عنه. علشان افضل معاه اطول وقت ممكن . 
نهي للدرجة دي بتحبيه
سجي واكتربكتييييير
مازن معقول انت تعمل كدة يا مراد . خسارة بنت في جمال ورقة سجي يتعمل