رواية ډمية مطرزة بالحب كاملة بقلم ياسمين عادل (65-78)

تسكتي
وأوفض بعيدا عنها كي يذهب ل رئيس الأطباء والذي سيكون مسؤولا عن عملية ملك.. كي يسأل متى تبدأ العملية خاصتها.
طرق على الباب ودلف لم يجده ف سألته الممرضة المساعدة له 
في حاجه يافندم بتدور على حد
آه دكتور نظيف كان المفروض هيدخل عملية زرع الكلى بتاعة بنت عمي بس مش لاقيه!
العملية بدأت من نص ساعة والدكتور زمانه هناك دلوقتي
اتسعت عينا يزيد ب استغراب و 
إزاي محدش بلغني ولا أنا ولا يونس إنها بدأت !!
ف قطبت الممرضة جبينها و 
أكيد حضرتك غلطان أستاذ يونس دخل هو كمان العمليات من نص ساعة تقريبا و.....
ف استوقفها يزيد عن متابعة الحديث وقد اضطرب قلبه بتوتر ملحوظ 
ثانية واحدة من فضلك يعني أنتوا سمحتوا ليونس إنه يحضر العملية ولا إيه مش فاهم!
ف أوضحت له الممرضة بدون أن تعي إنه يجهل بالأمر 
لأ يافندم أستاذ يونس هو المتبرع بالعضو عشان كده آ.....
إيه بتقولي إيه ...!!!
وغلفت الصدمة حواسه أجمع إذا كل ما حدث كان لعبة.. مجرد لعبة اختلقها يونس وأجاد التمثيل والتجسيد فيها حتى يبعد ب شقيقه عن الأمر نهائيا ويكون هو في النهاية المتبرع ب عضو من جسده ل ملك.. حتى وإن فنى روحه سيكون هينا لأجل غاليته الحبيبة ملك.
دمية مطرزة بالحب الجزء الثاني
الفصل الحادي والسبعون
في حياة امتلأت بالكوارث كنت أنت انتصاري الوحيد.
طار اللب من عقله أصابه الجنون وقتما علم بما ارتكبه شقيقه من لعبة فقط كي يبقيه بعيدا عن الأمر ولا يسترعى قلقه المفرط عليه.
ولكن اكتشاف حقيقة گهذه كانت أشد إزعاجا على يزيد ليس كونه سيتبرع ل ملك لكن كونه حرم عليه حق الخۏف عليه وحرم عليه حق المبادرة بمساعدة ملك لئلا يتعرض هو للخطړ.
طاح يزيد في الجميع حتى تصاعدت المشكلة ووصلت لأحد مدراء المشفى واضطر للتدخل الفوري لأجل إرضائه ورغم ذلك لم يرضى أبدا بل تفاقم غضبه لأضعاف.
نهض يزيد من جلسته على المقعد المقابل لمكتب مدير المشفى ثم صاح بصوت هادر 
ده أسمه تهريج كان المفروض أعرف الحقيقة كلها ونبقى نتصرف بعدها أنا وأخويا مع بعض لكن الدكتور بتاعكم ېكذب عليا ويقول إني مش مطابق عشان يمنعني!! ده أنا ممكن أقدم فيكم محضر وأوديكم في داهيه.
وقف المدير أمامه مباشرة وأعرب عن اعتذاره البالغ بعد أن ذم على شفتيه بحرج 
المعلومة اللي وصلتلي إن اللي حصل كان كله من تدبير أستاذ يونس هو اللي أصر على تلفيق الحدث ده عشان يكون هو المتبرع
فكر مدير المشفى في كيفية إنهاء هذا الحوار ب لباقة وتأجيل هذه المناقشة المحتدمة حتى يفيق يونس بسلام من عمليته الجراحية عله يستطع ضبط زمام الأمور والسيطرة على ڠضب شقيقه الأعمى.
ف شبك أصابعه ونظر إليه بتودد دبلوماسي مقنن 
إيه رأيك نأجل الكلام ده لما الباشا يقوم بالسلامة هو والهانم على الأقل نطمن عليهم
رماه يزيد بنظرة قاتمة وأشاح بوجهه عنه قبيل أن يخطو لمغادرة غرفة المكتب.. بدون أن يترك ردا واضحا أوفض للطابق العلوي عبر المصعد ليتواجد أمام قسم العمليات الجراحية على الأقل يستقبل أخيه بعدما يخرج من هنا سالما.
وصل يزيد.. ف لمح على مرمى بصره عيسى يقف هناك التمعت عيناه بشئ من الإمتعاض وعجل من خطاه نحوه حتى لاحظ الأخير ذلك واستعد لتلك المواجهه الحامية التي لم يرغب فيها أبدا.
وحينما اقترب يزيد أردف بصياح متسائل 
يعني كنت عارف أنت كمان! وانا الوحيد المغفل فيكوا هنا
أشار له عيسى ليهدأ أولا ثم قال بحكمة راغبا إخماد ثورته الحامية 
أهدا ياباشا أنت عارف إني عبد المأمور ودي حاجه مش بتاعتي.. بس متقلقش إن شاء الله يقوم بألف سلامة
وتردد قبيل إبلاغه ولكنه لم يجد مناص من ذلك.. تردد عيسى قبل أن يبوح بكل ما يحمله ولكنه في الأخير تابع بتوتر 
الخطړ كله على ملك هانم!
ألجم الحديث يزيد وجمده تجلت مخاوفه في بريق عيناه.. وارتجفت عضلات لسانه قبل أن يقول 
إزاي خطړ إزاي
عودة بالوقت للسابق 
ارتعد عيسى من مجرد عرض يونس للفكرة خشى كثيرا على رب عمله وصديقه الذي سيعرض نفسه للخطړ ويعرضها هي أيضا ولكن لا وجود لإحتمال آخر قد ينقذ حياتها التي أصبحت على المحك.
لم يأتي بمخيلته أي حل آخر ورغم ذلك تأمل في إيجاد الحل 
أكيد ياباشا في حل تاني! مش معقول مستشفيات برا مفهاش كلية مطابقة
استهجن يونس عليه تفكيره ذلك في ظل إنه متواجد ومطابق معها 
يعني إيه أكون موجود والنتيجة لصالحي وأقول لأ هستنى!!
بتضحية متناهية وبدون أن يفكر في العواقب وهبها قطعة حية من جسده ل يزرع الحياة في روحها من جديد.. ارتخت نبرته قليلا وسكن صوته وهو يتابع 
لو أطول أديها حياتي كلها مش هتردد بس تقوم تاني
شده عيسى من وصول يونس لتلك الحالة لم يصدق.. بل أن يونس بنفسه لم يصدق ذلك.
أجفل عيسى طرفه بعجز لم يجد من الكلام ما يتفوه به.. ف اكتفى بتعقيب بسيط 
مكنتش أعرف إنك حبيتها أوي كده يابخت أي حد أنت في حياته ياباشا!
ف زاغت نظرات يونس بعيدا وكأنه شرد فيها واعترف بذهوله من نفسه التي عشقت لذلك الحد المهلك 
ولا أنا كنت أعرف!
تنهد بثقل شديد واضطرب قلبه مع تذكر نسب احتمالية فشل الزراعة.. وأطرق رأسه وهو يقول 
الدكاترة بدأوا معاها ب مثبطات المناعة من امبارح عشان العملية تكون بكرة في خطړ شديد عليها لأنها متجهزتش قبل العملية بفترة أطول
ثم نفخ بعجز شديد وهو يتابع 
لكن مفيش حل تاني! ملك حياتها كلها في خطړ
طب ويزيد باشا! مش هتقوله!
ف بتر يونس هذا الأمر من جذوره وحكم فيه حكما لا يقبل مناقشة 
مش هيعرف حاجه نهائي يزيد كان عايز يتبرع هو ليها عشان يعوض تقصيره ناحيتها أنا فاهم دماغه .. لكن أنا موجود أنا أولى ب حبيبتي من أي حد تاني مهما كانت صلته بيها.
عودة للوقت الحالي 
أطلق يزيد سبة خاڤتة ومسح على ذقنه بكفه وهو يردف مستهجنا 
يعني لما جاله الخبر كان فرحان عشان نتيجة تحاليله هو طلعت صح
ف أومأ عيسى رأسه إيماءه مؤكدة تأفف يزيد بعدها ب انزعاج شديد.. تعالى رنين هاتفه ف نظر للشاشة ليجد نغم تتصل به ف أطبق جفونه يعتصرهما وهو يغمغم ب 
مش وقته خالص! هقول لنينة إيه دلوقتي!
على الجانب الآخر 
بداخل غرفة العمليات
كان إجراء العملية في الوقت الراهن غاية في الصعوبة في ظل عدم توافر الوقت المناسب الذي س يتيح الفرصة لجسدها لكي يتقبل مثبطات المناعة حتى يتكيف مع عضو جديد ستتم ذراعته في جسدها.
ترنحت ملك ما بين عدم توازن نبضات قلبها تارة وبين قلة تشبع الأكسچين في المخ تارة أخرى حتى درجة حرارة الجسم اضطربت قليلا أثناء إجراء الجراحة.. وكأنها تقاوم بشراشة تقاوم بكل ما أوتيت من قوة من أجل أن تنهض من